الرئيسية
حكايه البلدوج : رعب حقيقى
حارتنا حى هادى شارع عادى ترابى كالعاده بس بيها منظر بواقى تخطيط قديم يعنى الشارع فى نصفه ميدان صغير ومستواه اعلى شويه من الشارع وفى وسط الميدان عمود نور كان زمان شىك وعالى بس دلوقتى عالى وبس.
باختصار الحى مش زحمه وفيه كام دكان كده منها دكان عم سيد الفكهانى وموقعه فى وسط الشارع قدام الميدان وكمان كام دكان بقال ومكوجى واسترجى .
وفى ليله ليلاء سوداء مافيهاش اضاءه ولا نور دخل الحاره كلب غريب انا شفته وقشعر جسمى لشكله كان بلدج تخين ووشه ودور وعنده لغد وكانت دخلته زى اللى داخل مكان يعرفه وقام رايح على الميدان طالع لعند عمود النور وبص فى السماء للقمر وبدأ فى النباح والعواء والعويل ولمده ساعه كامله .
وتكرر المشهد كل يوم تقريبا , فى الاول اهل الحاره قالوا يمكن جعان او بطنه بتوجعه ولكن مع الوقت عرفنا انها اصبحت عاده تتكرر كل يوم , وبدأنا نتفرج عليه وهو ينبح ناحيه القمر تقولش عاوز يمسكه وبعد كام يوم اصبح للكلب رفاق من الحوارى المجاوره ياتون معه ويفعلون ما يفعله من دوشه وهبهبه , وبدأ اهل الحاره يفقدون اعصابهم اللى يرميهم بجزمه واللى بكوبايه واللى باقزازه ميه ولافيش فايده,
وتسالونى استمر الحال ده كتير ايوه استمر سنتين وزياده وفىليله والحاج سيد قاعد فى الدكان بيشرب الشاى وقدامه الزباين داخلين يشتروا الفاكهه جاء البلدوج وبحركه غدر قام عض صاحبنا فى سمانه رجله وصرخ الحاج سيد ووقع على الارض وجاء اهل الحاره لنجدته وودوه المستشفى الميرى اللى حوله فيها الدكتور بعد ما اعطاه ابره التيتانوس الى مستشفى الحميات وهناك اخذ الراجل المسكين واحد وعشرين حقنه ضد مرض الكلب
وبختفى الكلب من يومها وبعد شهر رجع الراجل للدكانه بتاعته وتلقاه قاعد بالليل وظهره للحيط وحاطط جنبه عصايه امن مركزى عارفينها؟ من اللى بتعمل عاهه مستديمه او شلل رباعى, وسالته قام قاللى ان الواد عبده جابهاله من الوحده بتاعته.
وبعد كام يوم ظهر البلدوج اخيرا وراح مع الواغش الكلاب الضاله اصحابه ناحيه عمود النور وبدات وصله النباح والهوهوهه , وفجأه تنشق الرض عن الحاج سيد وهو نازل بالعصايه على دماغ البلدج ومن اول ضربه اتسطح الكلب فى الارض واستمر الرجل فى ضربه ولم يتركه الا جثه هامده وهربت باقى عصابه الكلاب وخر الرجل على ركبته ينظر الى الكلب وهو بلا حراك لا يصدق نفسه ويقول اعوذ بالله ويكررها فساله الناس عما به قال هل سمعتموه وهو يقول : اى اخ اى آه مع كل ضربه انه ليس كلب انه شيطان اعوذ بالله من الشيطان.
وفى الصباح جاء موظف البلديه وسحب الجثه والناس ملتفه حوله ولاحظ الموظف وجود طوق على رقبه الكلب مكتوب عليه اسمه وكلمه (عمان), ولم نعرف هل يقصد عمان البلد ام ماذا!؟
وفى اليوم التالى وانا اقرا الجرنان نظرت فى صفحه الوفيات بالمصادفه , تعرفون لقد وقف شعر راسى وانا ارى صوره المتوفى ذو الوجه المستدير واللغد والشبه الخالق الناطق اللى ما يتسمى ونظرت فى النعى سريعا ووجدت مكتوب: توفى فلان الفلانى بعد غيبوبه استمرت سنتين والفقيد عمل فى عمان ثم الخليج فى الفتره الاخيره وهو مقطوع من شجره ولا عزاء للجميع, ما هذا لا ادرى حد فهم حاجه:!! الحدق يفهم.
والسلام ختام.
حارتنا حى هادى شارع عادى ترابى كالعاده بس بيها منظر بواقى تخطيط قديم يعنى الشارع فى نصفه ميدان صغير ومستواه اعلى شويه من الشارع وفى وسط الميدان عمود نور كان زمان شىك وعالى بس دلوقتى عالى وبس.
باختصار الحى مش زحمه وفيه كام دكان كده منها دكان عم سيد الفكهانى وموقعه فى وسط الشارع قدام الميدان وكمان كام دكان بقال ومكوجى واسترجى .
وفى ليله ليلاء سوداء مافيهاش اضاءه ولا نور دخل الحاره كلب غريب انا شفته وقشعر جسمى لشكله كان بلدج تخين ووشه ودور وعنده لغد وكانت دخلته زى اللى داخل مكان يعرفه وقام رايح على الميدان طالع لعند عمود النور وبص فى السماء للقمر وبدأ فى النباح والعواء والعويل ولمده ساعه كامله .
وتكرر المشهد كل يوم تقريبا , فى الاول اهل الحاره قالوا يمكن جعان او بطنه بتوجعه ولكن مع الوقت عرفنا انها اصبحت عاده تتكرر كل يوم , وبدأنا نتفرج عليه وهو ينبح ناحيه القمر تقولش عاوز يمسكه وبعد كام يوم اصبح للكلب رفاق من الحوارى المجاوره ياتون معه ويفعلون ما يفعله من دوشه وهبهبه , وبدأ اهل الحاره يفقدون اعصابهم اللى يرميهم بجزمه واللى بكوبايه واللى باقزازه ميه ولافيش فايده,
وتسالونى استمر الحال ده كتير ايوه استمر سنتين وزياده وفىليله والحاج سيد قاعد فى الدكان بيشرب الشاى وقدامه الزباين داخلين يشتروا الفاكهه جاء البلدوج وبحركه غدر قام عض صاحبنا فى سمانه رجله وصرخ الحاج سيد ووقع على الارض وجاء اهل الحاره لنجدته وودوه المستشفى الميرى اللى حوله فيها الدكتور بعد ما اعطاه ابره التيتانوس الى مستشفى الحميات وهناك اخذ الراجل المسكين واحد وعشرين حقنه ضد مرض الكلب
وبختفى الكلب من يومها وبعد شهر رجع الراجل للدكانه بتاعته وتلقاه قاعد بالليل وظهره للحيط وحاطط جنبه عصايه امن مركزى عارفينها؟ من اللى بتعمل عاهه مستديمه او شلل رباعى, وسالته قام قاللى ان الواد عبده جابهاله من الوحده بتاعته.
وبعد كام يوم ظهر البلدوج اخيرا وراح مع الواغش الكلاب الضاله اصحابه ناحيه عمود النور وبدات وصله النباح والهوهوهه , وفجأه تنشق الرض عن الحاج سيد وهو نازل بالعصايه على دماغ البلدج ومن اول ضربه اتسطح الكلب فى الارض واستمر الرجل فى ضربه ولم يتركه الا جثه هامده وهربت باقى عصابه الكلاب وخر الرجل على ركبته ينظر الى الكلب وهو بلا حراك لا يصدق نفسه ويقول اعوذ بالله ويكررها فساله الناس عما به قال هل سمعتموه وهو يقول : اى اخ اى آه مع كل ضربه انه ليس كلب انه شيطان اعوذ بالله من الشيطان.
وفى الصباح جاء موظف البلديه وسحب الجثه والناس ملتفه حوله ولاحظ الموظف وجود طوق على رقبه الكلب مكتوب عليه اسمه وكلمه (عمان), ولم نعرف هل يقصد عمان البلد ام ماذا!؟
وفى اليوم التالى وانا اقرا الجرنان نظرت فى صفحه الوفيات بالمصادفه , تعرفون لقد وقف شعر راسى وانا ارى صوره المتوفى ذو الوجه المستدير واللغد والشبه الخالق الناطق اللى ما يتسمى ونظرت فى النعى سريعا ووجدت مكتوب: توفى فلان الفلانى بعد غيبوبه استمرت سنتين والفقيد عمل فى عمان ثم الخليج فى الفتره الاخيره وهو مقطوع من شجره ولا عزاء للجميع, ما هذا لا ادرى حد فهم حاجه:!! الحدق يفهم.
والسلام ختام.
